- Advertisement -

წყალტუბოს სამხატვრო სასწავლებელში სააღდგომო ხელნაკეთი ნივთების გამოფენა-გაყიდვა გაიხსნა

წყალტუბოს სამხატვრო სასწავლებელში სააღდგომო ხელნაკეთი ნივთების გამოფენა-გაყიდვა გაიხსნა, რომელზეც წარმოდგენილია მრავალფეროვანი ნამუშევრები სააღდგომო თემატიკაზე, ხის მხატვრული დამუშავებით, ნაქარგებით, თექაზე მძივქარგულობით შექმნილი ნივთები და აქსესუარები. 

სააღდგომო გამოფენა მუნიციპალიტეტის მერმა გრიგოლ იოსელიანმა, საკრებულოს თავმჯდომარემ გრიგოლ ივანეიშვილმა, მერის მოადგილემ ალექსანდრე დადუნაშვილმა და ადგილობრივი თვითმმართველობის წარმომადგენლებმა დაათვალიერეს და სიმბოლურად რამდენიმე ნამუშევარიც შეიძინეს.
აღდგომის დღესასწაულთან დაკავშირებით გამოფენა-გაყიდვა წყალტუბოს მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურის ორგანიზებით მოეწყო. 

წყალტუბოელები და აქ ჩამოსული სტუმრები სააღდგომოდ ხელნაკეთი ნივთებისა და სხვადასხვა აქსესუარების შეძენას მიმდინარე კვირის განმავლობაში სამხატვრო სასწავლებლის მიმდებარე ტერიტორიაზე შეძლებენ.

Comments
Loading...