- Advertisement -

ხაშურის მუნიციპალიტეტში წარმატებული სტუდენტები დაჯილდოვდნენ

ხაშურის მუნიციპალიტეტში მცხოვრებ სტუდენტებს, რომლებმაც 2017 წელს წარმატებით ჩააბარეს ერთიანი ეროვნული გამოცდები და 100% გრანტი მიიღეს, მუნიციპალიტეტმა ფულადი ჯილდოები და დიპლომები გადასცა. 

დაჯილდოება ხაშურის მუნიციპალიტეტის ადმინისტრაციულ შენობაში გაიმართა. სტუდენტებს წარმატება მიულოცეს და დიპლომები პირადად გადასცეს ხაშურის მუნიციპალიტეტის მერმა გიორგი გურასპაშვილმა, მუნიციპალიტეტის საკრებულოს თავმჯდომარე მიხეილ ჯანაშვილმა და განათლების, კულტურისა და სპორტის სამსახურის უფროსმა კონსტანტინე ფრუიძემ. 

მუნიციპალიტეტის ხელმძღვანელმა პირებმა ახალგაზრდებს მომავალ საქმიანობაში თანადგომა აღუთქვეს და ქვეყნის სასიკეთოდ ნამდვილ პროფესიონალებად ჩამოყალიბება უსურვეს. 

ერთიან ეროვნულ გამოცდებში წარმატებული სტუდენტების წახალისება ხაშურის მუნიციპალიტეტში უკვე ტრადიციად იქცა. ამის შესახებ ინფორმაციას ხაშურის მერია ავრცელებს. 

Comments
Loading...