- Advertisement -

ხელვაჩაურში 83-ე საარჩევნო ოლქის შენობის ნაწილს ცეცხლი გაუჩნდა

ხელვაჩაურში 83-ე საარჩევნო ოლქის შენობის ნაწილს ცეცხლი გაუჩნდა. დამწვარია საარჩევნო ინვენტარის ნაწილი, კაბინები, ყუთები და ქსეროქსის აპარატები.

ასევე, დაზიანდა გასული არჩევნების საარქივო დოკუმენტები. ამ დროისთვის უცნობია ცეცლის გამომწვევი მიზეზები. ზარალის ოდენობა სახანძრო-სამაშველო ოპერაციის დასრულების შემდეგ გახდება ცნობილი.

ოლქის თავმჯდომარის ომარ ვარშანიძის განმარებით, საარჩევნო ინვენტარის ნაწილის გადარჩენა მოხერხდა, რაც შეეხება საარქივო მასალას, მისივე განხცხადებით დოკუმენტაციას ვადა გასული ჰქონდა და პრობლემას არ წარმოადგენს.

შემთხვევის ადგილზე ბათუმის და ხელვაჩაურის ბრიგადები მუშაობდნენ.

შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განაგდურებას გულისხმობს.

Comments
Loading...