- Advertisement -

ხვალ, ფოლკლორის ცენტრში პროექტ “ბაღია ჩვენი ქვეყანა”-სთან დაკავშირებით პრესკონფერენცია გაიმართება

11 აპრილს 11 საათზე საქართველოს ფოლკლორის სახელმწიფო ცენტრში გაიმართება საქართველოს ფოლკლორის სახელმწიფო ცენტრის დირექტორის გიორგი დონაძისა და საქართველოს ტურიზმის ეროვნული ადმინისტრაციის ხელმძღვანელის გიორგი ჩოგოვაძის ერთობლივი პრესკონფერენცია. პრესკონფერენცია ეძღვნება Check-in Georgia-ს ფარგლებში გასამართ ფესტივალს – ბაღია ჩვენი ქვეყანა.

15 აპრილიდან 30 სექტემბრამდე საქართველოს ფოლკლორის სახელმწიფო ცენტრის ორგანიზებითა და საქართველოს კულტურისა და სპორტის სამინისტროს მხარდაჭერით, ექვსი თბილისური ანსამბლი – ადილეი ანჩისხატი დიდგორი იალონი ნანინა შავნაბადა – საქართველოს 30 მუნიციპალიტეტში ხუთ-ხუთ კონცერტს გამართავს.

თბილისურ ანსამბლებთან ერთად კონცერტებში მონაწილეობენ საქართველოს ფოლკლორის სახელმწიფო ცენტრის სალოტბარო სკოლის მოსწავლეები.

პრესკონფერენციის დასასრულს რამდენიმე ქართულ ხალხურ სიმღერას შეასრულებს ანსამბლი დიდგორი, რომელიც 15 აპრილს პირველ კონცერტს გამართავს ზესტაფონის ხელოვნებისა და შემოქმედების ცენტრის დარბაზში.

Comments
Loading...