- Advertisement -

ხმაური ბათუმის საკრებულოს სხდომაზე – დღის წესრიგში ბოტანიკური ბაღია

ბათუმის საკრებულოს სხდომა ხმაურის ფონზე მიმდინარეობს. დეპუტატები დღეს აჭარის მთავრობიდთვის ბოტანიკური ბაღის სანაპირო ზოლზე 6000 კვადრატული მეტრის 49 წლიანი იჯარით გადაცემის საკითხს განიხილავენ.

დღესვე საკრებულოს წევრებმა კენჭი უნდა უყარონ ბოტანიკური ბაღის ტერიტორიაზე 1300 კვადრატული მეტრის აჭარის მთავრობისთვის უსასყიდლოდ გადაცემის საკითხი. საკრებულოს ოპოზიცია აცხადებს, რომ ორივე მიწის ნაკვეთი ბძინა ივანიშვილთან დაახლოებულ კომპანიას "ბიზნეს დეველოპმენტს" უნდა გადასცეს აჭარის მთავრობამ.

ნაციონალური მოძრაობის წევრი გიორგი კირთაძე სხდომის დაწყებამდე მოუწოდებდა დეპუტატებს, ორივე საკითხი ამოეღოთ დღის წესრიგიდან, თუმცა ხმათა უმრავლესობით დღეს საკრებულოს სხდომაზე 4 საკითხი დამტკიცდა, მათ შორის 2 მიწის გასხვისების საკითხი. 

ცნობისთვის "ბიზნეს დეველოპმენტი" ბათუმში ბოტანიკური ბაღის მიმდებარე ტერიტორიაზე, ყოფილი აგრარული უნივერსიტეტის ადგილას სასტუმროს მშენებლობას ახორციელებს. ბათუმის პლაჟამდე კი საბაგიროს მოწყობას გეგმავს.

Comments
Loading...