- Advertisement -

“ხონის მადლიერების სახლში” სოციალური სამრეცხაო გაიხსნა

ა(ა)იპ „ხონის მადლიერების სახლში“ სოციალური სამრეცხაო გაიხსნა, პროექტის გახსნას ხონის მუნიციპალიტეტის მერი ლადო ჯურხაძე, ხონის მუნიციპალიტეტის საკრებულოს თავმჯდომარე ვალერი ბახტაძე და ხონის მერიის სოციალური სამსახურის უფროსი ლეილა კინწურაშვილი ესწრებოდნენ. ამის სესახებ ინფორმაციას ხონის მუნიციპალიტეტის საკრებულო ავრცელებს. 

აღნიშნული პროექტი მიზნად ისახავს სოციალურად დაუცველი მოქალაქეების პირობებისა და მათი სანიტარულ-ჰიგიენური მდგომარეობის გაუმჯობესებას.

ბენეფიციარები არიან ჩვენი თანამოქალაქეები, რომლებიც უკიდურეს სიღარიბეში ჯანმრთელობის პრობლემებით ცხოვრობენ და არ აქვთ საშუალება, შეიძინონ სარეცხი მანქანა, მათ ძალიან რთულ პირობებში უწევთ ოჯახის წევრების სისუფთავეზე ზრუნვა. სერვისი „სოციალური სამრეცხაო“ კი შესაბამისი საჭიროების მქონე თანამოქალააქეებს მოემსახურება, რაც მათთვის მნიშვნელოვანი შეღავათი იქნება. სოციალურად დაუცველ ჩვენს თანამოქალაქეებს -განსაკუთრებით მოხუცებს და შ.შ.მ პირებს, სჭირდებათ მეტი სერვისი, უკეთესი ინკლუზიური გარემო, რათა მათი საყოფაცხოვრებო პირობები გაუმჯობესდეს.

პროექტი მოხალისეობრივი იდეების კონკურსის ფარგლებში არასამთავრობო ორგანიზაცია „ორბელიანი საქართველო“-მ დააფინანსა.

Comments
Loading...