- Advertisement -

ხულოში რამდენიმე მოსწავლე ამ დრომდე სახელმძღვანელოების გარეშეა დარჩენილი

ხულოში, რამდენიმე მოსწავლეს უფასო სასკოლო სახელმძღვანელოები ამ დრომდე არ მიუღია, როგორც ხულოს რესურსცენტრის უფროსი ედუარდ მიქელაძე „აიპრესთან“ აცხადებს, მხოლოდ ის მოსწავლეები დარჩნენ სახელმძღვანელოების გარეშე, რომლებმაც მობილობა გააკეთეს და სასწავლებლად სხვა სკოლებში გადავიდნენ, ედუარდ მიქელაძის განცხადებით მოსწავლეები სახელმძღვანელოებს უახლოეს პერიოდში მიიღებენ.

სასწავლო წიგნების გარეშეა დარჩენილი ჩაოს საჭირო სკოლის 1 დან 6 კლასის ჩათვლით ყველა მოსწავლე, რესურსცენტრის უფროსის განცხადებით აღნიშნულმა სკოლამ სახელმძღვანელოები ტექნიკური ხარვეზის გამო ვერ მიიღო.

მიქელაძის თქმით სკოლამ სწორად ვერ გადააგზავნა წიგნებისა და მოსწავლეების რაოდენობის სია და მათ წიგნები სწორედ ამ მიზეზის გამო ვერ მიიღეს, თუმცა ედუარდ მიქელაძე ირწმუნება, რომ აღნიშნული პრობლემა სკოლას უახლოეს დღეებში მოგვარდება.

Comments
Loading...