- Advertisement -

2017 წელს გურჯაანში კულტურული მემკვიდრეობის ხუთ ძეგლს რეაბლიტაცია ჩაუტარდა

სრულად აღდგა და პირვანდელი სახე დაუბრუნდა სოფელ ვაზისუბანში მდებარე წმ.გიორგის სახელობის ბაზილიკას (სამკარიანი) VI სს, რომელსაც კულტურული მემკვიდრეობის ძეგლის სტატუსი 2 წლის წინ მიენიჭა.

ასევე, რეაბილიტირდა სოფელ კარდენახში მდებარე წმ ნიკოლოზის სახელობის (VI სს) და სოფელ კალაურში მდებარე იოანე ნათლისმცემლის სახელობის ეკლესიები (IX სს) . შიდა სარეაბილიტაციო სამუშაოები ჩაუტარდა სოფელ კარდენახში მდებარე საბა წმინდის ეკლესიას (XIII-XV სს ) და ვაზისუბანის სანაგირის მონასტერს (X-XI სს).

,,რეაბილიტაცია ფონდი "ქართუს" დაფინანსებით განხორციელდა. მიმდინარე წელს, კიდევ რამდენიმე ძეგლის რეაბილიტაციაა დაგეგმილი , მათ შორისაა სოფელ ვეჯინის წმინდა გიორგის სახელობის ეკლესია, რომელიც VI-VII საუკუნეებით თარიღდება.,,-განაცხადეს გურჯაანის მუნიციპალიტეტის მერიაში.

Comments
Loading...