- Advertisement -

4 მაისს ილიაუნიში სალოტბარო სკოლის მოსწავლეების კონცერტი გაიმართა

4 მაისს ილიას სახელმწიფო უნივერსიტეტის საკონცერტო დარბაზში გაიმართა კონცერტი, რომელშიც მონაწილეობდნენ ლენტეხის, ზესტაფონის და გორის სალოტბარო სკოლის მოსწავლეები.

2015 წლიდან საქართველოს ფოლკლორის სახელმწიფო ცენტრის ორგანიზებით და კულტურის სამინისტროს მხარდაჭერით საქართველოში ეტაპობრივად იხსნება სალოტბარო სკოლები, სადაც ნებისმიერ მსურველს ქართული ხალხური სიმღერის და ტრადიციული გალობის სწავლა უფასოდ შეუძლია.

დღეისთვის უკვე ფუნქციონირებს 21 სალოტბარო სკოლა (ფოთი, ოზურგეთი, ბათუმი, შუახევი, წალენჯიხა, მესტია, ლენტეხი, ცაგერი, ამბროლაური, ონი, საჩხერე, ბაღდათი, სამტრედია, ზესტაფონი, ბორჯომი, ახალქალაქი, კასპი, გორი, დუშეთი, თელავი, ყვარელი), სადაც 800-მდე მოსწავლე უფასოდ ეუფლება ქართულ ხალხურ სიმღერას და საეკლესიო გალობას.

Comments
Loading...