- Advertisement -

4 ნოემბერს წყალტუბოში სახალხო დღესასწაული “შემოდგომის წყალტუბო” გაიმართება

წყალტუბოს მუნიციპალიტეტისა და ტურისტული კომპანია GeoTourist–ის, მხარდაჭერით, 4 ნოემბერს, წყალტუბოში ტრადიციული, სახალხო დღესასწაული ,,შემოდგომისწყალტუბო" დარეგიონალური ფოლკლორული ფესტივალი "ფუძეობა "გაიმართება,- ამის შესახებ ინფორმაციას წყალტუბოს მუნიციპალიტეტის გამგეობა ავრცელებს. 

ქალაქის ცენტრალურ ნაწილში სასტუმრო ,,პლაზასა’’ და სპორტის სასახლის მიმდებარე ტერიტორიაზე საფესტივალო ქალაქი მოეწყობა,

სადაც წარმოდგენილი იქნება უამრავი საინტერესო სანახაობა, იმერული ფაცხები, გაიმართება ხალხური რეწვის ნიმუშებისა და ხელნაკეთი ნივთების გამოფენები, მარათონი, სხვადასხვა კულტურული და სპორტული ღონისძიებები.

ღონისძიებაში მონაწილეობენ იმერეთის 12 მუნიციპალიტეტის ფოლკლორული ანსამბლები. წყალტუბო მასპინძლობს დამეგობრებული ქალაქის სალდუსის ოფიციალურ დელეგაციასა და სახალხოანსამბლს,,BANDAVA’’

გაიმართება წყალტუბოს საპატიო მოქალაქეების დაჯილდოების ცერემონია. ღონისძიების დასკვნით ნაწილში, საქართველოს ტურიზმის ეროვნული ცენტრის, პროექტის CHECK IN GEORGIA-ს მხარდაჭერით ჩატარდება გრანდიოზული კონცერტი, მაყურებლის წინაშე წარდგება ნიაზ დიასამიძე და ჯგუფი 33ა! 

 

Comments
Loading...