- Advertisement -

ხაშურში მასწავლებლის დღე აღინიშნა

მასწავლებლის საერთაშორისო დღესთან დაკავშირებით, ხაშურის მუნიციპალიტეტის მერმა გიორგი გურასპაშვილმა, საკრებულოს თავმჯდომარე მიხეილ ჯანაშვილმა და ადგილობრივი საგანმანათლებლო რესურსცენტრის ხელმძღვანელმა ზვიად გოგუაძემ, სხვადასხვა საჯარო სკოლებში დასაქმებულ მაძიებელ მასწავლებლებს და სკოლის ლიდერობის ეროვნული კონკურსის ფინალისტს, ხაშურის პირველი საჯარო სკოლის დირექტორს-მორის დანდურიშვილს, პროფესიული დღესასწაული მიულოცეს.

მუნიციპალიტეტის ხელმძღვანელმა პირებმა აღნიშნეს, რომ პედაგოგების ღვაწლი ფასდაუდებელია და მეტწილად, სწორედ მათზეა დამოკიდებული მომავალი თაობების აქტიურ მოქალაქეებად, თანამედროვე საზოგადოების ლიდერებად და მოაზროვნე ადამიანებად ჩამოყალიბება.
მერიის განათლების, კულტურის და სპორტის სამსახურის ორგანიზებით, პედაგოგებს თაიგულები და სიმბოლური საჩუქრები გადაეცათ.
მასწავლებლის დღესთან დაკავშირებით, სხვადასხვა კატეგორიის პედაგოგების წახალისება, ხაშურის მუნიციპალიტეტში უკვე ტრადიციულ ხასიათს ატარებს და პროფესიის პოპულარიზაციას ემსახურება.

Comments
Loading...