სამტრედიაში აქტიურად გრძელდება საგზაო ინფრასტრუქტურის მოწესრიგება

კაპიტალური გზა ეწყობა დაბლა გომის მე -4 ქუჩაზე, რომელიც რამდნიმე შიდა დასახლებას აკავშირებს გომის ადმინისტრაციულ ერთეულთან. გზის სარეაბილიტაციო სამუშაოები მიმდინარეობს ზემო ტოლებში გომმუხაყრუას მიმართულებით და ქალაქის ტერიტორიაზე-სანაპიროს ქუჩაზე.

ასფალტ-ბეტონის დაგების პროცესი უკვე დასრულდა ღანირში, ,,ღაღანიძეების” უბანში და
ჯიხაიში N 37, N 38 ქუჩებზე .

სამუშაოები ხორციელდება რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით და ტენდერში გამარჯვებული კომპანიები ასრულებს.

მიმდინარე სამუშაოები მუნიციპალიტეტის მერმა, დავით ბახტაძემ, პირველ მოადგილესთან, ვლადიმერ ზაქრაძესთან და მერიის ზედამხედველობის სამსახურის ხელმძღვანელთან, ამირან თევდორაძესთან ერთად დაათვალიერა.

დავით ბახტაძე – ,, გზის მოწესრიგებით ადგილობრივების მთავარი პრობლემა გადაიჭრება.
სამუშაოები მიმდინარეობს გეგმა-გრაფიკის დაცვით. ჩვენთვის მთავარია ხარისხი. ვიზუალური დათვალიერებით შეგვიძლია ვთქვათ, რომ ხარისხი მაღალია და ადგილბორივი მოსახლეობაც შესაბამისად კმაყოფილია.”

როგროც დაბლა გომის მაცხოვრებმა, ტარიელ ჯოგლიძემ განმარტა, კაპიტალური გზა აღნიშნულ ტერიტორიაზე არასდროს ყოფილა ,,ნამდვილად გახარებულები ვართ ადგილობრივები. ჩვენი დიდი ხნის სურვილი ახდა. გზის დაგებით მთავარი პრობლემა გვარდება.”