მამუკა ხაზარაძეს გუშინ ვერაფრით ათქმევინეს, რომ მეც პოლიტპატიმარი ვარ. ამის მიუხედავად, მამუკა ხაზარაძე მიმაჩნია პოლიტპატიმრად, – ამის შესახებ საქართველოს ყოფილმა პრეზიდენტმა, მიხეილ სააკაშვილმა დღევანდელ სასამართლო პროცესზე დისტანციურად ჩართვისას განაცხადა.
მიხეილ სააკაშვილმა სხდომაზე განაცხადა: "სპეციალურად მოხდა პროცესების გადაფარვა, ხაზარაძე-ბადრი ჯაფარიძის და ჩემი პროცესების, რათა ხალხმა არ გაიგოს სიმართლე. მიუხედავად იმისა, რომ გუშინ ვერაფრით ათქმევინეს მამუკა ხაზარაძეს, რომ მეც პოლიტპატიმარი ვარ, მე მამუკა ხაზარაძე მიმაჩნია პოლიტპატიმრად. პოლიტიკური დევნაა, რაც მის და ბადრი ჯაფარიძის მიმართ ხდება. ისევე როგორც, მინდა, სოლიდარობა გამოვხატო იმ ბიჭებისა და ქალბატონების მიმართ, რომლებიც უკანონოდ, უსამართლოდ ჰყავთ დაკავებული, პოლიტიკური დევნის ქვეშ იმყოფებიან და პოლიტიკური პატიმრები არიან".
ექსპრეზიდენტმა სასამართლოში ასევე განაცხადა: "თუ ვინმე ამბობს, რომ სააკაშვილი არ არის პოლიტპატიმარი, ეს მის სინდისსა და რეპუტაციაზე უნდა იყოს"