დაბა სურამში, ცენტრალურ სკვერში ყოფილი კინოთეატრის რეაბილიტაცია აქტიურად მიმდინარეობს.
რეაბილიტირებულ შენობაში მულტიფუნქციური ცენტრი განთავსდება. სამუშაოების მიმდინარეობა ხაშურის მუნიციპალიტეტის მერმა თენგიზ ჩიტიაშვილმა დაათვალიერა.
“სურამში, კინოთეატრი, დიდი ხანია არ ფუნქციონირებდა. განსაკუთრებული ძალისხმევა მივმართეთ კინოთეატრის შენობის მუნიციპალიტეტის საკუთრებაში გადმოსაცემად. ამჯერად, კინოთეატრის სრული რეაბილიტაცია მიმდინარეობს, შენობა სამუსიკო სკოლას და სურამის ბიბლიოთეკას გააერთიანებს. აქვე გადავა სურამის ადმინისტრაციულ ერთეულში მერის წარმომადგენლის ოფისიც. განახლებული შენობა ჩვენი საყვარელი სურამის ცენტრს ახალ ხიბლსა და სიცოცხლეს შემატებს. მისი დიზაინის მომზადებაში უშუალოდ ვიყავი ჩართული და ვფიქრობთ, ძალიან ლამაზი გამოგვივა“- აღნიშნა სამუშაოების დათვალიერებისას ხაშურის მუნიციპალიტეტის მერმა თენგიზ ჩიტიაშვილმა.
დაბა სურამში, ცენტრალურ სკვერში ყოფილი კინოთეატრის რეაბილიტაციის სამუშაოებს მთლიანად მუნიციპალიტეტი აფინანსებს. პროექტის ღირებულება 1 941 000 ლარს შეადგენს.